Somaliland (Hiran State)-Madaxweynaha  Somaliland  Muuse Biixi Oo Ciidamada Soomaaliland kala qeyb galay Sannad Guurada 28aad ee Aas-Aaska Ciidanka una diray dhanbaal.

War qoraal ah oo ka  soo baxay madaxtooyada Soomaaliland ayaa lagu yiri.Madaxweynaha Jamhuuriyadda Somaliland, Muuse Biixi Cabdi, waxa uu dhammbaal hambalyo ah u dirayaa ciidamada qaranka Jamhuuriyadda Somaliland, saraakiisha, saraakiil ku xigeennada, ilaa dable, meel ay joogaanba xuska sannad guuradda 28-aad ee ka soo wareegtay markii la aas-aasay ciidanka Qaranka Somaliland. Kuna beegnayd bishii labaad labadeedii sanadkii 1994-kii (02/02/1994) oo ku beegan Arbacada.

Madaxweynuhu waxa uu sidoo kale hambalyo taa la mid ah u dirayaa dhammaan qoysaska ciidanka naftood hurayaasha qaranka meel ay ka joogaanba.

Madaxweynuhu waxa uu ciidamada iyo qoysaskoodaba u rajaynayaa inay sannadka sanadkiisa ku gaadhaan nabadgelyo, barwaaqo iyo bash-bash, halkaana ka sii wadaan dedaalka ay ugu jiraan ka midho dhallinta himilada iyo adkaynta difaaca dalka iyo dadka Somaliland, taas oo ah mid ay shacbiga Somaliland muddadaa 28-ka sanno ah kaga gam’een ciidamada qaranka kalsooni iyo adkaynta jiritaanka qarannimada Jamhuuriyadda Somaliland.ayaa lagu yiri warbixinta madaxtooyada.

Hargeysa,Somaliland